Previous Story
სასწორი – მორიელი – მესაზღვრე ნიშნები
(20-26 ოქტომბერი)
ამ ადამიანებს ბრწყინვალე ინტუიცია აქვთ. გამოირჩევიან საოცარი ინდივიდუალისტობითა და გამჭრიახობით, დაკვირვების უნარით. ახასიათებთ ინტერესი თანამოსაუბრის, გარე სამყაროს და საკუთარი თავის, როგორც სამყაროს ერთ-ერთი შემადგენლის მიმართ. ისინი უფრო მეტად უსმენენ, ვიდრე საუბრობენ. ყველაფერში ეძებენ სხვებისთვის მიუწვდომელ ჭეშმარიტებას და უხილავ არსს, რაც ეხმარებათ ხელოვნების მრავალ სფეროში. პირად ცხოვრებაში მეტად იღბლიანნი და ბრძენნი არიან. სწრაფად ერკვევიან პარტნიორის ხასიათის ფსიქოლოგიურ ნიუანსებში და შესაბამისად მოქმედებენ, თუმცა მის მიმართ ზოგჯერ ირონიული დამოკიდებულება უჩნდებათ, რაც ხშირად კონფლიქტურ სიტუაციებს იწვევს. მათთვის აუცილებელია სარკაზმისა და გესლიანი გამონათქვამების გაკონტროლება.
