მარსი

მარსი შედარებით მცირე ზომის პლანეტაა, რომელსაც წელიწადი და 220 დღე სჭირდება ციკლის გასავლელად. ის დაახლოებით 8 კვირას ატარებს თითოეულ ნიშანში, მაგრამ ციკლის ზოგიერთ ეტაპზე 5-6 თვეც რჩება.
მარსის ელემენტი: მიწაა.
ბუნება: ცხელი და მშრალი.
ის ვერძს მართავს და თხის რქაშია ეგზალტირებული.
მისი ორგანოებია: კუნთები და ელენთა.
ასახიერებს: მეომარს, ჯარისკაცს, სპორტსმენს, მებრძოლს, ქირურგს, მჭედელს და სხვა..
ტემპერამენტი: ქოლერიკი.
ხასიათი: ემოციური აქტიური, ფიცხი, პრინციპული.

მარსი საბრძოლო ენერგიაა და განსაზღვრავს პიროვნების მეთაურობის ნიჭსა და ბრძოლის უნარს. ის ვაჟკაცობის, ბრძოლის, ძალის, სიმამაცისა და გამბედაობის პლანეტაა. აჯილდოებს დინამიური და ინიციატორის სულით, მაგრამ უარყოფით გამოვლენაში შეიძლება დესპოტი, ფხუკიანი, მოძალადე ადამიანი დაბადოს.
იძლევა ინფორმაციას თუ როგორ უმკლავდება ადამიანი სიძნელეებს. მიუთითებს დაბრკოლების გადალახვის უნარზე, სპორტულ მონაცემებზე. აღწერს სექსუალურ ცხოვრებას და სურვილებს.

ის ვენერას ოპოზიციაა და შესაბამისად ქალის რუკაზე მისი საყვარელის და იმ კაცის სიმბოლოა, რომელთანაც სასიყვარულო ურთიერთობები უნდა რომ ჰქონდეს, მარსი – ეს მისი სასურველი პარტნიორია.
სქესი მამრობითი. თუმცა მზესთან შედარებით ნაკლებად იდეალისტი, უფრო აქტიური, უფრო პრინციპული და უფრო სექსუალურად აქტიურია.

ის 40-50 წლებთანაა დაკავშირებული, როცა ინდივიდი უკვე კარგად მომწიფებულია, საკუთარი თავის დამკვიდრებისთვის იბრძვის, პროფესიული აქტიურობა ზენიტშია და ადამიანი დარწმუნებულია რომ თუ არ ეცადე, ვერც ვერაფერს მიაღწევ.

• მარსი
• რეტროგრადული მარსი სახლებში
• მარსის ასპექტები პლანეტებთან