Previous Story
ვენერა
ვენერას ციკლი ცვალებადია. დაახლოებით 225 დღე სჭირდება ზოდიაქოს გასავლელეად. ის მერკურიზე დიდია და დედამიწიდან ჩანს.
ვენერას ელემენტი: წყალი. ბუნება: ტენიანი.
მართავს: კუროს და სასწორს.
მოქმედებს: თირკმელებზე, ნერვულ სისტემაზე, შარდის ბუშტზე, კისერზე.
ასახიერებს: ხელოვანს, ვაჭარს და ყველა პროფესიას, რაც სილამაზესა და ცდუნებასთანაა დაკავშირებული.
ასაკი 18-იდან 25 წლამდე მერყეობს, დაახლოებით.
ტემპერამენტი: სანგვინიკი და პლეგმატიკი.
ხასიათი: ემოციური, პასიური, პრინციპული, მეორადი.
ვენერა სიყვარულთან, სილამაზესთან, სინაზესთან, კეთილდღეობასთან ასოცირდება. ის აღწერს ვინმეს რომანტიულ ცხოვრებას, ვნებებს, თავისუფალ დროს, გატაცებებს და სასიყვარულო პარტნიორებთან ქცევის თავისებურებებს. პოზიტიური ვენერა ანაზებს, ალამაზებს და სასიამოვნო სიტუაციებს ქმნის მის ირგვლივ.
როცა ის დომინანტი პლანეტაა, რუკის მფლობელი ნაზი, სიცოცხლით სავსე, მომხიბლავი, მაცდური, სიმპატიური ადამიანია, რომელმაც იცის თავისი გარეგნული სილამაზის ფასი. ხშირად დაჯილდოებულია შემოქმედებითი ნიჭით (დეკორაცია, მოდა, მხატვრობა, მუსიკა, ცეკვა და ა.შ).
მთვარესავით, ვენერაც მდედრობითი სქესისაა, მაგრამ ის უფრო მგრძნობიარე და მოხიბლულია იმ სიამოვნებებით, ცხოვრება რომ სთავაზობს. ნეგატიური ვენერა თავის უარყოფით მხარეებსაც ავლენს ადამიანში ესენია: სიხარბე, სიზარმაცე, მატერიალისტობა, ზედმეტად მგრძნობიარეობა და თვალთმაქცობა. მამაკაცის რუკაზე ვენერა დიასახლისს განახორციელებს, ქალს რომელიც ფიზიკურად იზიდავს მას და რომელთანაც ხანმოკლე სასიყვარულო ურთიერთობები ექნებოდა.
ვენერას ასაკში იწყება სექსუალური გრძნობების გაღვიძება, როცა ადამიანი საწინააღმდეგო სქესით ინტერესდება და ყურადღებას აქცევს მათ გარეგნობას.
