მშვილდოსანი – ანტი-ჰოროსკოპი

რაოდენ გასაკვირი არ უნდა იყოს, ამ ნიშნის ძირითადი ნაკლი გადამეტებული ოპტიმიზმია. ზოგადად მარტივი ნიშანია. კარგი ცხოვრების სიყვარული და უკონტროლო ხარჯები მათთვის ხშირად გაკოტრებით სრულდება. კონკრეტული ადამიანების მიმართ უხეშობა და უყურადღებობა პრობლემებს უქმნით ურთიერთობებში, რის არშემჩნევასაც ბეჯითად ცდილობენ, გამოუვალ მდგომარეობაში მოხვედრისას კი საერთოდ უფრო საინტერესო თემებზე ერთვებიან. ნათლად გამოხატული განდიდების მანია მშვილდოსანს აიძულებს იმაზე კარგად წარმოაჩინოს საზოგადოებაში თავი, ვიდრე სინამდვილეშია. ამ ნიშნის კარგად გაცნობის შემდეგ შესაძლოა აღმოაჩინოთ, რომ პატივმოყვარე და უხეშ ადამიანთან გაქვთ საქმე , რომელიც ვერ იტანს თავის მისამართით ვერანაირ კრიტიკას . ( არასდროს აღიარებს , რომ მტყუანია ან რამე არ იცის ). დისკოფორტს ქმნის ამ ნიშნის კიდევ ერთი თვისება – უტაქტობა! ყველაფერს ამბობენ, რაც თავში მოუვათ და სრულიად არ აღელვებთ, რომ ამით სხვა ადამიანების უხერხულ მდგომარეობაში ჩაყენება შეუძლიათ. თუ ღრიანკალი იგივეს შეგნებულად აკეთებს , მშვილდოსანს ეს დაუფიქრებლობით მოსდის, რითიც უგულვებელჰყოფს საზოგადოებაში მოქცევის წესებს.

ამ ნიშნის წარმომადგენელების უმრავლესობა გემოვნების დეფიციტს განიცდის. ქალებიც და მამაკაცებიც ცდილობენ შეუხამებელი ტანისამოსის შეხამებას. ამასთანავე ქალბატონები ვულგარული მაკიაჟით გამოირჩევიან. საერთოდ, ეს ნიშანი თავისი ექსცენტრულობით აოცებს ყველას.

ძირითადი უარყოფითი თვისებები: მოუთმენელი, ამბიციური, არათანმიმდევრული, მკვეხარა, ავანტიურისტი, ფანატიკოსი, ასევე დამახასიათებელია: გამჭრიახობის არქონა, სულსწრაფობა, ავტორიტარიზმი, ავანტურიზმი, სუსტების მეშვეობით თვითდამკვიდრება, ხოლო ძლიერ მოწინააღმდეგეებთან – უსუსურობა და სიმხდალე, გამოთქმებისა და ქმედებების უსასრულო გამეორება, ცხოველური მიზნებითა და მისწრაფებებით ცხოვრება (მხოლოდ სექსი და ჭამა), ეგოიზმი.

მოამზადა ცისია დონდუამ